Gribskovimi Efterskolimi atuartoq ikuallaasimasutut nassuerpoq
Gribskovimi Efterskolip sapaatip akunnerisa pingajuat avillugu matuma siorna nunguilluni ikuallanneranut atuartoq 15-inik ukiulik pisuuvoq, Sjællandip avannaani Politiit Danmarkip Radioata nittartagaanut, dr.dk-mut oqarput.
Allattoq Lotte Holm
Nukappiaraq politiinit killisiorneqarami nassuerpoq, pappialanik eqitereriarluni kukoriarlugit igalaakkut silammut igissimallugit. Pappialat ilaat atuarfiup qaliata kuuffianut tuppoq, tamaanilu igalaakkut eqqakkat allat unerarsimasut taamaalillutik ikummarput.
Tamanna oqaatsini suliamut tunngasuni taaneqartarpoq mianersuaalliorluni ikuallatsitsineq. Efterskoli nunguilluni ikuallammat inuit 57-it qimagussorneqartariaqarsimapput, kalaallit arfineq-pingasut taakkununnga ilaallutik, pigisatillu tamaasa taakku annaavaat.