Gribskovimi Efterskolemi ilinniartut pillugit katersuiniartoqarpoq
Gribskovimi Efterskolep ikuallanneratigut kalaallit atuartut pigisaminnik annaasaqartut ikiorniarlugit, Københavnimi Kalaallit Illuutaata katersuiniussineratigut manna tikillug 5.200 koruunit isertinneqrsimapput.
Allattoq Lotte Holm
marsip 30-at 2009 11:48
Ilinniartut siunnersortaat, Pia Rosing Heilmann oqarpoq kalaallit arfineq pingasut ilaasa arfineq marluk pigisatik tamaasa annaasigamagaat marluinnaallu sillimmasersimallutik. Taamaammat tapeerusuttut tamarmik qujamasuutigineqarput.
Ikuallattoornerup kingorna paasineqarpoq ilinniartut ilaat qallunaaq pappiaqqanik ikuallatsitseqattaarluni atuarfimmik ikuallatsitsisimasoq. Maannakkut misissorneqarpoq taassuma sillimmasiisimanera annaaneqartut ilaannut taarsiutaasinnaanersoq. Allakkerisarfimmi gironormu 84 99 15 2 atorlugu Kalaallit ilinniartut suli aningaasatigut ikiorserneqarsinnaapput. Aningaasat katersorneqartut påskereersimatsiarpat ilinniartunut agguaanneqassapput.
