Greta Thunberg tissiartaammut ilaalluni New Yorkiliarniarpoq
![](/sites/default/files/styles/image_934x467/public/article_images/20190723-165505-l-1920x1280we.jpg?itok=RRnIA0Ha)
Sverigimiu silap allanngoriartorneranik ilungersuuteqarluni isummaminik nittarsaassisartoq, 16-inik ukiulik, Greta Thunberg silap pissusia pillugu New Yorkimi ataatsimeersuarnissami Chilimilu COP25-ip ingerlanneqarnissaanut peqataanialerpoq, angalanermini silaannaq CO2-mik ajoqusernagu.
Inuusuttuarannguarmi Atlantiku ikaarlugu tissiartaammut Milizia II-mut 18 meterisut takitigisumut ilaalluni aallartussanngorluni, Twitterikkut Facebookikkullu allaserisaqarpoq.
- Tuluit Nunaannit New Yorkimut aggustip qiteqqunnerani tissiartaammut angalaqataanissannut neqeroorfigineqarpunga, Greta Thunberg oqarpoq.
Tissiartaat seqernup qinngorneranik aamma imaq atorlugu silaannaap CO2-mik akoqarneranik allanngortitsinngutsumik innaallagissiuuteqarpoq.
Silap allanngoriartoorneranik ilungersuuteqarluni isummaminik nittarsaassisartoq juunimili oqarpoq New Yorkimi ataatsimeersuarnissamut aamma Chile-mi COP25-mut peqataaniarluni. Angalanissarli unammilligassaqarsimavoq, 16-inimmi ukiulik timmisartorneq ajorpoq qimuttuitsunillu aqqutissaqarani.
Greta Thunbergip meeqqat atuarfianni atuarnini inaarutaasumik naammasseqqammerpaa, ukiullu tulliani atuartussaanani.