Greenpeacermiut suli akornusersuipput
Hanna inissisimaffimminniit allalluni Greenpeace-ip nittartagaatigut saqqummersitsivoq. Leiv Eiriksson Nuup avataani qillerivissamut Lady Franklinimut maanna anngutereersoq, Hannap allaaseraa, Leiv Eirikssonilli qillerisinnaannginnera taassuma aamma allaaseraa, qillerivimmiinnertik pissutigalugu qillerisinnaasoqannginnera oqaatigalugu.
Qilleriviup eqqaani isumannaallisaaneq ippassaq annertusarneqartoq, Radioaviisimi ippassaq tusarliupparput, Greenpeace-ikkormiulli akerlianik allapput:
- Isumannaallisaaneq annertusarneqaraluartoq qilleriviup eqqaaniippugut qimakkallarnavianngilarpullu, Hanna allappoq.
Isumannaallisaanerup annertusarneqarneratigut politiit akuliussinnaanngorput, tamaaniittussaanngitsut peersissinnaanngussallugit.
Politiillu iliuuseqarnissamut utaqqiuarsinnarput, Radioaviisiminngaanniillu aamma malinnaavugut.
Avatangiisinik illlersuiniaqatigiiffiup iliuuserisai Naalakkersuisunit assuarineqarput, iliuuserisat misigittaatsuliornertut ilaatigut taaneqarlutik.