Greenpeacep umiarsuaatai nunatta imartaanit qimagupput
Greenpeacep umiarsuaatai Esperanza aamma Arctic Sunrise, nunatta imartaanit maanna qimagupput. Kangilinnguani sakkutooqarfik ullumi taama nalunaaruteqarpoq.
![](/sites/default/files/styles/image_934x467/public/article_images/esperanza_045.jpg?itok=3nljiKVv)
Allattoq Mads Lynge
Umiarsuit taakku marluk nunatta imartaanut maajip ulluisa 23-anni anngupput, Canadamulli maanna ingerlaarlutik. Avatangiisinilli illersuiniaqatigiiffiup maanna pilersaarutai suunersut, Greenpeacep avammut tusagassiisartuata Sune Schellerip Esperanzamiittup tusarliukkumanngilai. Issittumili qillerilluni uuliasiornerup akiorniarneqarnera suli unitsinneqanngitsoq, taassuma oqaatigaa.