Greenpeacep umiarsuaatai marluk nunatsinnukarput
Greenpeacep umiarsuaq ataasiinnanaanngitsoq marlulli atorlugit Cairn Energyp nunatta imartaani uuliasiorneranik nakkutilliiniarpoq.
Radiaviisimit ippassaq oqaluttuarineqarpoq, Arctic Sunrise issittup imartaaniittoq, maannalu paasinarsivoq umiarsuup Esperanzap nunap isua uiareersimagaa, taamalu kitaata kujataaniilluni.
Maanna malinnaaffigineqarsinnaajunnaarallarpoq Arctic Sunrisep inissisimanera, nalunaaquttap akunneri aqqanillit kingulliit sumiinneranik nalunaarsuut qaminngatinneqarsimammat.
Greenpeacemi avatangiisit pillugit suliaqartoq Jon Burgwaldip ippassaq oqaatigiumanngilaa Greenpeace Cairn Energymut arlaatigut iliuuseqarniarnersoq.