Greenpeace suli akornusersuivoq

Cairn Energyp qillerivia "Leiv Eiriksson" Nuup avataani qilleriviusussamut maanna annguppoq, Greenpeace-kkormiulli qillerivimmut qaqipput tiguarlugulu.

Uuliasiorniarluni qillerinerit taamaasillutik akornusersorneqarput, soorlu aamma Greenpeace-kkut apriilimi taamaaliortut.

Qillerivik "Leiv Eiriksson" Tyrkiamiit Nunatta imartaanut apriilimi ingerlaalermat Greenpeace-kkormiunit qaqqivigineqarpoq:

- Kalaallit Nunaanni oqartussat ullaaq manna nalunaaqutaq arfininngortoq saaffiginnipput, qilleriviup qanittuani isumannaallisaaneq annertusarneqarsimanera nalunaarutigalugu. Umiatsiaq pullattagaq ataaseq taamaammat peertariaqalerparput, Greenpeacep avammut tusagassiisartua Birgitte Lesanner, nutaarsiassaqartitsivimmut Ritzauimut oqarpoq.

Qillerivik "Leiv Eiriksson" Greenpeace-kkormiunit unnuaq qaqqivigineqarpoq, qillerivilli qilleriviusussamut ingerlaaginnarpoq, qilleriviusussamullu unnuaq anngulluni.

Isumannaallisaaneq annertusarneqarmat sakkutuut umiarsuaat "Vædderen" Greenpeacep umiarsuaata "Esperanza"-p qilleriviullu akornanni inissippoq.

Greenpeace-kkormiut qillerivimmiinnerat pissutigalugu maanna qillerisoqarsinnaanngitsoq, Greenpeacep nalunaarutigaa.

Kalaallillu Nunaat Dansk Folkepartimit tapersersorneqarpoq. Taakkummi kissaatigaat sakkutuut imarsiortut maanna akuliutsinneqartariaqalersut.

- Greenpeacep inatsisinik unioqqutitsilluni iliuuseqarnera naammagineqarsinnaajunaarpoq. Kalaallimmi Nunaat uuliasiorsinnaasariaqarpoq, Greenpeace-kkormiullu akuliutissanngillat, Per Dalgaard, Dansk Folkepartimeersoq Ritzauimut oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat