Greenpeace-mi ilaasortat Strassbourg-imi eqqartuussivimmi

Greenpeace-mi ilaasortat pingasut sakkutooqarfimmut Thule-miittumut isertersimanerat pillugu østre landsret-imi akiliisussanngortillugit eqqartuunneqarnerat inuit pisinnaatitaaffiinik unioqqutitsinerunngilaq.

Europami inuit pisinnaatitaaffiinik eqqartuussivimi Strassbourg-imiittumi ullumi aalajangerneqarpoq.

Greenpeace-mi ilaasortat pingasut eqqartuunneqartut, ukiut pingasut matuma siornatigut tigusarineqarput, sakkutooqarfimmi radar-eqarfimmiut iserniartillugit.

USAp silaannarsuarmi sorsunnissamut piareersarnermini Thule-mi radar-ip atorneqarnera akerleralugu Greenpeace-ikkormiut radareqarfimmut iserniaraluarnikuupput.

Nunatta eqqartuussiviani akiliisussanngortillugit pineqaatissinneqarput kingornalu aalajangerneq østre landsrette-mi assinganik pineqaatissillugit.

Tassanngaaniit suliaq Greenpeace-kkut europami inuit pisinnaatitaaffiit pillugit eqqartuussivimmut strasbourg-imiittumut ingerlateqqippat. Greenpeacekkut tunngavilersuutigaat, sakkutooqarfik qanoq annertuuginersoq ilisimanneqannginera paasiniarsimammassuk tigusarineqarnissaminnut tunngavissaqanneraasimapput.

Eqqartuussinermi eqqartuussisut arfinillit pineqaatissiinissamut tapersersuipput ataaseq akerliulluni.