Greenpeace: Ataqqinninneq
![](/sites/default/files/styles/image_934x467/public/article_images/greenpeace_17_juni_630_2.jpg?itok=8jSXFl3V)
- Namminersorlutik Oqartussat upalungaasimanissaq pillugu pilersaarummik saqqummiussinerminni pingaarutilimmik alloriarsimammata ataqqisorujussuuvagut.
Upalungaarsimanissaq pillugu iliuusissatut pilersaarutip takorloorneqartumiit annertunerujussuusoq, silap pissusaa pillugu suleqataasoq, Jon Burgwald oqarpoq.
Taamaattorli pilersaarummi siunniunneqartutut avatangiisit illersorneqarnissaat pillugu Greenpeace maannakkut ersarinnerusumik naliliinianngilaq.
- Kisiannili annertungaatsiartutut isikkoqarmat eqqisseqqinnaarluta sukumiisumik atuaqqaartariaqarparput. Tamatuma kingorna imarisai pillugit nalilersueqqissaarumaarpugut.
Issittumi annertunerusumik maqisoortoqassagaluarpat upalungaarsimanissamut tamakkiisumik pilersaarusiortoqarsinnaannginnerannik taakku isertuussinerat tunngaveqarsimassasoq kiisalu Namminersorlutik Oqartussat ilumoortup isertuunneqarnissaa kissaatigisimassagaat, Greenpeace-p siornatigut ersersinnikuuvaa.
Tamakkuuppullu apeqqutinut tunuliaqutaasut suliniaqatigiiffimmiit akissutissarsineqarusuttut.
- Uuliamik maqisoortoqassagaluarpat uulia qanoq annertutigisoq Cairn-imiit piiarneqarsinnaasutut naatsorsuutigineqarpa, uulia sikumut anngulluni akulerutissagaluarpat qanoq kinguneqarsinnaava kiisalu uuliaarluernermi Kalaalit Nunaanni avatangiisinut ataatsimut isigalugu qanoq sunniuteqassava?
Silap pissusaa pillugu suleqataasup, Jon Burgwald-ip oqarnera naapertorlugu Cairn Energy-p sukuumiisumik misissorneqarnissaanut tamanna tunngassuteqarpoq - uuliasiortitseqatigiiffiup tamanna pitsaanerusumik iliuuseqarfigisinnaanngilaa - kiisalu - pilersaarut imminermini isornartorsiorneqarsinnaanngippat - taava taamatut pilersaarusiorsimanermi nalorninartoqarnera akuersaarnartuunerluni?
- Cairn-ikkut sulinerat pitsaasumik ingerlanneqarnersoq isiginiassallugu pingaarneruvoq? Taamaaliorsimappatulu taava isumannaatsuunissaq sillimaniarnissarlu qaffasissoq kiisalu pitsaasumik sunniutilimmik saliisoqarsinnaanera attanneqarsinnaassava?
Aammattaaq ippassaq pisortatigoortumik saqqummiussinerup Aatsitassanut Pisortaqarfimmut naammagittaalliutaasimasumik sulilu Ombudsmandimiit suliarineqartup taamaatitsineqarnissa ilimananngitsoq, Greenpeace-kkut oqaatigaat. Siunissami ilaatigut tusarniaasarnerit pillugit ammanerusumik pissusilersortoqalernissaa pingaaruteqarnerusoq nassuiaatigineqarpoq.