Greenland Adventure Race ingerlalluarpoq
Kujataani timersuutit ilungersunartut arlallit atorlugit unammiuaarneq Greenland Adventure Race '08, ingerlalluarpoq. Sapaammili silagissappat aatsaat qajartortoqarsinnaassaaq.
Allattoq Najaaraq Egede
septembarip 06-at 2008 17:05
Holdit qulingiluat ulluni kingullerni arpallutik, qaqqasiorlutik ullumilu cykelerlutik unammersuarput. Holdit tamarmik suli tamavissattunnguupput, taamaatittortaqaratillu, taama oqarpoq tusagassiisartoq Nivi Kleist.
Aqagu Qaqortumit Hvalsømi oqaluffitoqqap tungaanut qajartortoqassaaq, taamaalillunilu unammiuaarnerit Qassiarsummi oqaluffitoqqami qinoqatigiinnikkut, sapaammi nalunaaqutaq arfinermut naggaserneqassapput.
Kisianni sila qanoq aqagu issanersoq apeqqutaalluinnarpoq.
Timersornerit ilungersunartut atorlugti unammersuarnerit aqagumut piareersaasiorlugit unnugu ataatsimiittoqarnerani nalunarunnaassaaq aqagu qajartortoqassanersoq.
Unammiuaarnermi inernerit nittartakkami www.gar.gl–imi ullut tamaasa takuniarneqarsinnaasarput.
