Green Peacermiut ajornannginaareqaat

Silap pissusaata allanngoriartorneranut akiuinianngippallaarneq pillugu akerliuniartut Green Peace-imeersut Christiansborgimi kunngikkormiut ataatsimeersuaqataasunut nerersuartitsinerannut unitsinneqanngivillutik appakaakkaluallaramik ajornannginaaqaat. Akerliuniartut ippassaq iperagaasut taama oqaluttuarput.
januaarip 07-at 2010 13:59

Nora Kristiansen tusagassiortunik katersortitsinermi oqaluttuarpoq: Isernissatta tungaanut ataatsilluunniit aperinngilaatigut.

Taanna akerliuniartut sisamat ulluni 20-ni parnaarussivimmi paarigallarneqartut ilagaat. Nora Kristiansen Spaniamiu akerliuniaqanni, Juan Lopez de Uralde, peqatigalugu nerersuarfiup isaariaanut appakaapput tassanilu allagartarsuarnik nittarsaallutik, allaqqasunik: Naalakkersuinermi siuttut oqaluinnarnanik iliuuseqartarput.

Tamaangarujussuaq killissinnaanerannut allamut paarlaanneqarsimaneraat peqqutaasoq de Uralde-p tusarsimavaa:

Georgiami præsidentimut paarlaallunga ingerlatiinnarsimagatigut politiit nalunaarutaanni atuarpara. de Uralde oqaluttuarpoq.

Sillimaniarnermut periusertik naammassimanngitsoq Københavnimi politiit nassuerutigaat, Greenpeace-kkormiullu unitsinneqanngivillutik isersimanerat pissutigalugu sillimaniarnermut tunngasut tamaasa pitsaanerulersissimavaat:

Politiit pisoq pillugu iliuuseqarfigineqassanngillat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq