Great Greenlandip pisortaanera soraarniuteqarpoq
Great Greenlandip pisortaanera Ditte Sorknæs soraarniuteqarsimasoq
![](/sites/default/files/styles/image_934x467/public/article_images/ditte_1-img_4665_s.jpg?itok=fOMKT2Uz)
Allattoq Helle Nørrelund Sørensen
Nutserisoq Mads Lynge
Iinternetikkut attaveqaqatigiittarfik, suliffeqarfinnit annerusumik atorneqartoq LinkedIn nittartakkamini taama allaaserisaqarpoq.
Ditte Sorknæs Namminersorlutik Oqartussat suliffeqarfianni tassani pisortaanertut 2016-imi atorfinippoq. Amminik Danmarkimi akitsorterussisarfimmi Copenhagen Furimi ussassaarinermut pisortatut taassuma siuliani sulivoq.
AAMMA ATUARUK Great Greenland siuariartoq
Great Greenland ukiualunni amigartooruteqarsimariarluni pissutsit Ditte Sorknæsip sulilerneratigut ilorraap tungaanut sangutinneqarput, 2016-imilu assersuutigalugu 600.000 koruuninik sinneqartooruteqarluni.
Ammilli tunineqartut malunnaatilimmik 2013-imili ikileriarsimapput. Great Greenland umiarsuarmik amminik tunitsivimmik taamaalineratigut siorna aasakkut tunitsiveqalerpoq.
AAMMA ATUARUK Great Greenland umiarsualiiniartoq
Suliffeqarfiup pisortaanerata tunuarniuteqarnerminut suut pissutiginerai nalunaarutiginngilai, siunissamulli isumalluarnini LinkedInimut oqaatigalugu.