Great Greenland pisortaanertaarpoq
52-nik ukiulik Lars Berg Great Greenlandimi pisortaanertut novembarip aallaqqaataani atorfinippoq.
Allattoq Louise M. Kleemann
novembarip 03-at 2011 09:04
Lars Berg Great Greenland A/S-imi julimi 2011-mi aningaasaqarnermut pisortatut atorfinitsinneqarpoq. Lars Berg Qallunaat Nunaani atisanik nioqquteqartarfiit anginerit ilaanni Chief Financial Officeritut siornatigut atorfeqarpoq, taassumalu siornatigut atisaliornermik nioqquteqarnermi nunanilu assigiinngitsuni arnat atisaannik tunisassiornermi sulisimalluni.
