Gran Canaria-liarniaruit mianersortariaqassaatit
Spaniap pigisaannut Gran Canariamut Tenerife-mulluunniit feeriassaguit mianersortariaqassaatit.
Orpippassuit Gran Canariamiittut Tenerife-miittullu ikuallannermik eqqugaapput, inuillu 11.000-intinit amerlanerusut maanna qimagussortinneqartariaqarsimapput.
Gran Canaria aamma Tenerife Spaniap pigisarai taakkunanilu oqartussaasut inuit qimagussorneqarnissaat piumasarisimavaat.
- Tenerife-mi ikuallaffiit pingasuupput, inuillu 5700-t qimagussorneqarsimallutik, Tenerife-mi aqutsisut siuttuat Paulino Rivero taama oqarpoq.
Danskit 1100-t 1200-llu akornanniittut maanna Gran Canariamiittut ilimagineqarpoq. Stig Elling, angalatitseqatigiiffimmit Star Tours-imeersoq taama oqarpoq.
Tenerife-mi nuna Gran Canariamilu nuna qutaarluusorujussuuvoq, ikuallannermillu akiuiniarnissaq ajornakusoortorujussuulluni.
Orpippassuarni sulisartup Gran Canaria-meersup soraarsitaanini pissutigalugu piaaraluni ikuallatsisimanini nassuerutigereerpaa.
