Grafikkimik eqqumiitsuliat Taseralimmi
Taseraliup, Sisimiuni kulturikkut illorsuup titartarluagaaqisup illugiinngisitaartunillu ilusilersugaasup Nalunnguarfiullu tasianut isikkiveqartup, ukiut tamaasa Kalaallit Nunaannit nunattalu avataanit eqqumiitsuliortut assigiinngeqisut saqqummersitsisittarpai. Februarip 3-ata tungaanut Jannie Jørgensenip grafikkimik naqitai saqqummersinneqassapput. Saqqummersitsinermi grafikkimik naqitseriaatsit ilisimaneqarnerusut takuneqarsinnaapput, tassaasut træsnit aammalu koldnål. Naqitseriaatsilli nutaajunerusut, soorlu collografi aammalu chine collé, aamma amerlapput, taamalu ullutsinni naqitseriaatsinik takutitsilluarlutik.
-Assilissanik naqitanik suliaqarneq nuannersuuvoq; eqqumiitsulioriaaseq qangaaneersoq suli ineriartortinneqartuartuuvoq. Teknikkit nutaat atorlugit eqqumiitsuliornermi, ass. collografi, illit isummat aalajangiisuusarpoq periarfissallu killeqanngivipput – sumiluunniit, qaquguluunniit qanorluunniit naqitsinissat nammineq aalajangersinnaavaat, taama oqarpoq Jannie Jørgensen.
Jannie Jørgensen eqqumiitsuliornerup oqaluttuarisaanera Københavns Universitetet-mit ilinniagaqarfigaa. Aasiaat katersugaasiviani saqqummersitsinikuuvoq, saqqummersitsinermili uani aatsaavissuaq naqitaannarnik saqqummersitsivoq. Suliai allat uani takuneqarsinnaapput: