Assiliartalersugaq: Inatsisartut inissiassaat ima ilisimasaqarfigaagut
Politikerit Inatsisartut upernaakkut ukiakkullu ataatsimiinnerini peqataasussat, Nuup avataani ulluinnarni najugaqartut illoqarfiit pingaarnersaanni inissiani nutaani siunissami najugaqartassapput.
Inatsisartut taama isumaqarput, taamaammat ilaasortanut inissitat nutaat 25-t sanaartorneqassapput.
Suleqatigiissitsisulli sanaartortoqarnissaanut akerliupput.
AAMMA ATUARUK Inatsisartut imminnut salliuteqqipput
- Politikerit imminnut salliutillutik, inissianik nutaanik napparsimalernanngitsunillu, Nuummi inissaaleqiffioqisumi namminneq atugassaminnik sanaartortitsiniarnerat tunngaviatigut kukkunerusoraarput, Suleqatigiissitsisuni siulittaasup tullia, Tillie Martinussen oqarpoq.
Sanaartornissaq pillugu ilisimasagut uani ataani ilisimasaqarfiginerulikkit.