Kalaallit suliffeqarfiat nersorneqartoq
Mentorix Nunatsinni immikkoortortaqarfeqartoq ukiut tallimat matuma siorna aallartikkamili, ukiut tamaasa sinneqartoortartoq, ilaatigut Michael Binzerimit piginneqataaffigineqarpoq.
Aamma atuaruk AWG 2016-ip pingaarnertut aningaasaliisussamut isumaqatigiissuteqaqqippoq
Suliffeqarfik katillugit 20-nik sulisoqartoq Nunatsinnilu immikkoortortaqarfia sisamanik sulisoqartoq, gazellemik nesornaaserneqarnera nuannaarutaasoq, suliffeqarfiup Mentorixip aallarniisua, Kenny Munck oqarpoq.
- Nersornaaserneqarnerput nuannaarutigeqaarput. Tamassuma takutippaa, suliffeqarfitsinni sulisut tamakkerlutik, nukiit piginnaasatillu atorlugit sulinerat imminut akilersinnaasoq, Kenny Munck KNR-imut oqarpoq.
Suliffeqarfiup kaaviaartitai 300 procenti sinnerlugu annertusisoq
Danmarkimi suliffeqarfiit namminersortunit ingerlanneqartut, ukiut sisamat ingerlaneranni atasuinnarmik sinneqartoorlutik aningaasanillu kaaviaartitaminnik minnerpaamik marloriaatinngortitsisut, aviisip Børsenip 1995-imiilli nesornaasertalerpai.
Mentorix Nunatsinni immikkoortortaqarfeqartoq aamma Arctic Winter Games 2016-imut pingaarnertut aningaasaliisoq, katillugit 20-nik sulisoqartoq, taakkunannga sisamat maani Nunatsinni sulisorineqartut, aallartikkamilli suliffeqarfiup kaaviiaartitai 333 procentimik annertusitissimavaat, tassalu danskit naalagaaffianni nammisorlutik suliffeqarfinni aningaasarsiorluarnerpaat qulit ilagilersimallugit. Tassalu tamanna pillugu nersornaaserneqarlutik.
Mentorix nunatsinni sullitanik ulikkaarpoq
Mentorix 2010-mili suliffeqarfittut aallartikkamik suliaasa pingaarnerit ilagaat, kattuffiit, suliffeqarfiit namminersorlutillu suliffeqarfiit Danmarkimiittut, Hollandimiittut taamatullu Nunatsinniittut piginnaanngorsarneqarnerinik sullissisarlutik. Taakkununnga ilaatigut ilaapput Namminersorlutik Oqartussat allallu Nunatsinni suliffeqarfiit angisuut.
- Kalaallit Nunaanni suliffeqarfiit angisuut tamarluinnaasa sullippagut soorlu ilaatigut Nukissiorfiit, Nammisorlutik Oqartussat aamma KNI allallu suliffeqarfiit pinginnaanngorsaanermik allatulluunniit pisariaqartitsusut, suliffeqarfiup Mentorixip aallarniisua, Kenny Munck taama oqarpoq.
Mentorixip Nunatsinni immikkoortortaqarfiani pisortaavoq, Michael Binzer. Taassuma suliaasa pingaarnersarai iliuusissanik ujartuinermik periutsit, pisortatut sullissinermik piginnaanngorsaanerit taamatullu inuit ataasiakkaat ineriartornissaannik siunnersuinerit.
Mentorix ukioq manna 30 millioner koruuninik kaaviiaartitaqarpoq.
