Grønlandsbankenip arnat nannullu saqqummersilerpai
Qalipakkat pinngortitamik inunnillu assiliartaqarput. Amerlanerit aatsaavissuaq takutinneqartuupput. Nanorli tassaavoq qalipakkani amerlanerpaani qitiusoq. Qalipakkat pingasut taaguuteqarput "Arnaq nanorlu".
- Arnaq nanorlu imminnut atapput, taama isumaqarpunga - immaqa arnaariarama. Nanoq uumasuuvoq nukittooq, uanga isumanniittuartoq, Buuti oqarpoq.
Buutip eqqumiitsuliai arlalinni takuneqartareerput, soorlu kalaallit biibilianni, Royal Arctic Linep containerinik qalipaasitsinerani aamma Arctic Winter Gameseqarneramt atatillugu nannunik qalipagaliortutut ilisimaneqarluni.
Grønlandsbankenimi saqqummersitsineq juulip 31-ata tungaanut - aningaaseriviup ammanerani - takuniarneqarsinnaavoq.