Grønlandsbankenip akitsuutit nutaat atuutilersilerai
Aaqqitaq: Allaaserisami siullermi akitsuutit sapaatip akunnerata tulliani atuutilersinneqassasoq allaqqavoq. Tamanna eqqunngilaq, allaaserisarlu iluarsineqarluni.
Grønlandsbankenimi anigaaseriveqaruit akitsuutinut akiliinerusalissaatit.
Kontomut allamut nuussineq assersuutigalugu – aningaasanik nuussinerit Grønlandsbankenimit sulisumit ikiortilluni ataasinngorpamiit 50 koruunimik akeqalissaaq, maanna 40 koruuniuvoq.
Akiliisarnermut isumaqatigiissummik pilersitsineq betalingservicemik taaneqartartoq 40 koruuneqalerpoq, atorunnaarsinniaraannilu 75 koruunimik akeqalerluni, taakku marluullutik akeqarneq ajoraluarput.
Soraarnerussutisianut tunngasut akitsornerpaassapput. Qimatut Pensionimiit nammineq soraarnerusutisianut ileqqaarivimmut nuussiniaraanni akeqartarnikuunngikkarluartoq ataarsinngorpamiit 1.500 koruuneqalissaaq.
Toqusoornermi aningaasat kingornussat avinnermiluunniit aningaasat tunniunneqartussat nuunneqartarneri minnerpaamik 1.000 koruuninik akitsussapput.
