Grønlandsbanki ilorraap tungaanut ingerlavoq, tamannalu piginneqatigiiffiit angusaat pillugit nunat avannarliit aningaasanik niueqatigiittarfiata OMX-p naatsorsuutaani atuarneqarsinnaavoq.
OMX-p aningaasanik niueqatigiittarfiani Grønlandsbankip piginneqataassutitigut nalinga nikinnermik ataatsimik ukiumi nutaami qaffariaateqassaaq, taamaalillunilu naleqassutsimigut pitsaanerit tulliinut inissikkuni Danmarkimi aningaaserivissuit pitsaasut ilaattut; soorlu Vestjyske bankitut Amager bankitut Roskilde bankitullu inissisimalissaaq.
Grønlandsbankittaaq taama inissisimalernissaa niueqateqarnermut suleqatissarsiortarnermullu iluaqutaalluinnassasoq, aningaaseriviup pisortaa
Martin Kviesgaard naliliivoq.
GrønlandsBANKEN-imik piginneqatigiissut ataaseq 100 koruuninik naleqartoq massakkut 700 koruunimik naleqarsimavoq.