Grønlands Rejsebureau-ip Nordic Adventure pisiaraa

Angalatitseqatigiiffiup Grønlands Rejsebureau-ip Nordic Adventure pisiaraa. Taannalu tassaavoq selskabi angalanernut aalajangersimasunut sullissisartuusoq soorlu, pikkorissarlutik angalasunut aammalu misigisassarsiorusullutik Kalaallit Nunaannut, Islandimut aammalu Savalimmiunut angalarusuttunut immikkut sullissisartuusoq.
Allattoq Louise M. Kleemann
aggustip 14-at 2008 07:19

Nordic Adventure Grønlands Rejsebureau-p immikkut ittumik angalaniartunut sullisssineranut iluaqutaassaqaaq, taama Grønlands rejsebureau-p pisortaa Helle Bach oqarpoq.

Grønlands Rejsebureau aammalu Nordic Adventure siunissami ataatsitut ingerlassapput, Nordic Adventure-lli immikkut suliarisassavai misigisassarsiorniarlutik angalasut aammalu suleqatigiillutik angalaniartut.

- Nordic Adventure-li taamatut ateqaannarluni ingerlassaaq, Rejsebureau-p tuniniaanermi nittarsaassinermilu pisortaa Peter Bastrup taama oqarpoq.

Nordic Adventure Kalaallit Nunaannut, Islandimut, Savalimmiunullu angalanissanik aaqqissuigaangami ilaatigut suleqatigisarpai: Utoqqaat soqutigisaannik sullissisartoq Ældre Sagen, aviisip Politikenip immikkoortortaani aviisit, Foreningen Norden aammalu TV2 Club Lorry.

Grønland Rejsebureau Air Greenlandimiit pigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq