Grækenlandimi naalakkersuisut utaqqineqalerput
Nunat euromi ilaasortaasut taama isumaarput, EU-mi nunat naalakkersuisuisa siulittaasuisa aqagu ataatsimiinnissaat sioqqullugu Grækenlandip saqqummiussassaasa utaqqineqarneranni.
Allannguinerit annertoorujussuit pinngitsoorneqarsinnaanngillat, nunat euromi ilaasortat taama isumaqarput.
Nunat euromi ilasortat siulittaasuat Hollandimiut aningaasaqarnermut ministeri qarasaasiakkut attaveqatigiittarfimmi Twitterimi ilaatigut taama allappoq, Grækenlandimut taarsigassarsisimasut sipaaruteqarnissamut piumasaqaat amerlanerusunillu aningaasanik atornissaminnik kissaateqarlutik allannguutissat pillugit innutaasut taasitineqarneranni amerlanerussuteqangaartut naaggaareersullu.
- Innuttaasut taasitinneqarnerisa kingorna inernerit aaqqiissutissanut qanilleriartitsinngillat. Siunnersuutit itigartinneqarpata taava pissutsit ilungersunarnerulissapput, Hollandimiut aningaasaqarnermut ministeriat oqarpoq.
Grækenlandip siunissami Eurozonemut EU-mullu attuumassuteqarnera qanoq issanersoq suli paasineqanngilaq
aamma suli ilisimaneqanngilaq sapaatiummat innutaasunik taasitsinerit kingunerisassai suussanersut.