Grækenlandimi eqqissiviilliornerit saniatigut suliumajunnaarsitsiortorput
Grækenlandi unittoortutut ullumi ippoq, akerliussutsimik takutitsersuaarfioqqilermat. Inuusuttuunerusut ulluni kingullerni eqqissiviilliortitsisut saniatigut maanna sulisartut kattuffii suliumajunnaarsitsiortorput.
Allattoq Louise M. Kleemann
Athenip mittarfissua matuneqarpoq, angallassissutit pisortanit pigineqartut tamangajammik unittooqqapput. Aningaaseriviit atuarfiillu matoqqapput, aamma inuunerminnik navianartorsiortitsisuinnaat napparsimavinni passunneqarput.
Sulisartut kattuffiisa suliumajunnaartitsinermikkut aningaasarsiat qaffannissaat ilaqutariillu pissakinnerusut pisortanit taperserneqarunissaat piumasaraat.
Grækenlandimi nukappiaraq 15-inik ukiulik politiinit aallaallugu inuartarineqareersorlu, illoqarfiit pingaarnersaanni Athenimi illoqarfinnilu allani ulluni kingullerni sisamani eqqissiviilliortoqarpoq.