Grækendlandimi suli eqqissiviilliorput
Sulisartut kattuffiisa ilaasa ippassaq suliumajunnaarsitsinerat inuppassuit illoqarfiup qeqqani katersuunnerannik kinguneqarpoq, taamaalillunilu Athenip ilisimatusarfeqarfissuani politiit akerliussutsimillu takutitsisut 200-t ippassaq aporaapput.
Ujaqqanik milloortoqarpoq politiillu gassimik qulliliornartunik inuit akornannut nalussisaqattaartariaqarsimapput.
Inuusuttuaraq ataaseq ikilerneqarpoq allat pingasut tigusarineqartut.
Grækenlandip avannarpasissuani Thessaloniki eqqissiviilliorfiusimaqisumi pissutsit eqqissisimanerulersut maanna nalunaarutigineqarpoq.
Grækenlandimiinnaq akerliussutsimik takutitsisoqanngilaq, tassami tapersersuiniartut illoqarfissuit London, Istanbul, Barcelona, Madrid, Rom, Bologna aamma København akerliussutsimik takutitsivigaat. Nutaarsiassaqartitsiviit nalunaarutigaat arlallit tigusarineqarsimasut.