Gordon Brown ministeriuinnalerunarpoq
Brownip naalakkersuisoqarfiani ministerit arlalissuit piffissami kingullermi tunuarput. Tamakku tunuarnerannut ilaatigut pissutaavoq peqquserlunnerarneqarlutillu perulluliorsimanerarneqarmata, Gordon Brownili siulittaasutut atorsinnannginnerarlugu kamallutik matumik matorluisut aamma arlaqarput.
Gordon Brown ministeriunertut ataannassanersoq partiimut Labourimut ilaasortat tuluillu Inatsisartuisa unnuk manna ataatsimiissutigaat, Brownillu ministeriuneruinnarnissaanut ataatsimiinneq taanna pingaarutilerujussuuvoq. Brown ataatsimiigiarluni isermat uivertoqanngilluinnarlluni ersaattaanneqarpoq.
TV-qarfimmi BBC-mi oqarnerat naapertorlugu, isornartorsiuisartut arallit piumasaqaatitik attatiinnaraluaraat, Brown tapersersortiminit suli illersorneqartoq paasinarpoq.
Illersornissamut ministeri, Bob Ainsworth, BBC-mut oqarpoq, pikitsitsisunut tapersersuisoqanngitsoq, ataatsimiinnerlu tassaasoq ministeriunermut tunissut annertooq, tapersersorneqarnerami ersermat.