Gordon Brown isumaloriallaqqissuunerarneqarpoq
Atorfilittami ilaat kraaviisigut tigullugit issuttuuttarsimavai, ajattartarlugillu suanngassortarsimallugit.
Tamanna ministeriunerup ilumuunnginnerarpaa, kissaammeraangamili oqaatsit sakkortuut atorsinnaasarini nassuerutigaa, aammagooq kamaammerluaasaraangami aviisinik natermut milloorsinnaasarpoq.
Atuakkiortorli, aviisimi Observerimi politikki pillugu allaaserinnittartoq, ilimaginngisaminik taperserneqarpoq.
Naalagaaffimmi oqarasuaatileqatigiiffimmi oqarasuaaserisut nalunaarput, ministeriunerup Gordon Brownip atorfilittaanit pingasut-/sisamariarlutik saaffigineqartarsimallutik, pimmataallutik misigisunit:
- Atorfilittat ilaat paasissutissanik internettimiit tigusisarsimapput, kisianni ilaat oqarasuaatikkut aamma uanga nammineq oqaloqatigisarpakka, Pimmatilliinermik akiuiniarluni oqarasuaatikkut saaffiginnittarfimmi pisortaq, Christine Pratt, oqarpoq.
