GONG pilersinniarneqarpoq

Tamatumunnga pissutaavoq, Kalaallit Nunaata uuliasiornermit isertitat suliffeqarfimmi tassani GONG-imi pigiinnarusummagit, GONG qallunaatuumit naalisagaavoq, tassaasoq Grønlandsk Olie og Naturgas, danskit suliffeqarfiutaannut DONG-imut assingusoq.

Danmarkip naalagaaffiata nukissiuuteqarneq pillugu suliffeqarfiutaata DONG-ip isertitat nunatsinneersut naatsorsuutimi avataaniitissappagit tamanna piumasaqaataavoq. Nunatsinniit folketingimut ilaasortaq Kuupik Kleist taama oqarpoq.

- Suliffeqarfiit taakku marluusut naatsorsuutaat naalagaaffiup ataatsimoortumik nunatsinnut tapiissutaannut ilaatinneqarsinnaapput ilaatinneqaratilluunniit. Ilaatinneqassappata ataatsimoortunut tapiissutinut ikilisaatitut atorneqarsinnaammata. Periarfissat taakkua arlaat toqqartariaqarparput, tamannaluuna isumaqatigiinngissutigigipput, Kuupik Kleist Ritzauimut oqarpoq.