Gnagsikkut isiginnaartitsissusiarineqassapput

Nipilersoqatigiit nipilersugaat nuannarineqarnerit 30-t isiginnaartitsissutitut nipilersorneqarniarput. Taakkunanilu erinarsoqataasussat ilisimaneqartut ilagaat Julie Berthelsen.

Gnagsikkunni erinarsortartoq, Peter A.G.Nielsen, tusarnaagassiamik pilersitseqataavoq, Julie Berthelsenillu peqataanissaa taassuma nuannaarutigaa.

- Julie Berthelsenip peqataanissaa naammagisimaaqaara. Erinagilluinnartuuvoq, erinarsoraangamilu eqqissisimalluinnartarluni, Peter A.G. KNR-imut oqarpoq, Juliap erinarsuut atugassami ilaat, "Et kys i solen", atoraa tusarnaareerlugulu.

Rappertartoq Clemens aamma isiginnaartitsisartoq Karl Bille tamatuma saniatigut Gnagsikkut ukiuni 45-ni oqaluttuassartaanik saqqummiussisussanut  ilaapput.

Nipilersornermik isiginnaartitsisarfik Holstebromiittoq, Black Box Theatre, isiginnaartitsilluni erinarsornissamik takutitsiviussaaq, taannalu septembarip 30-anni isiginnaartitsinerup takuteqqaarneqarnerata kingorna isiginnaarneqarsinnaassaaq.