GME-p aktiaataasa nalingi qaffapput
GME-p Kuannersuarni piiaaviliornissamik suliniutaa ingerlalluarpoq, tamannalu aningaasaliisut maannakkorpiaq iluarusuutigaat. Aktianik piginneqataassutit 660.000-t tallimanngormat niuerutigineqarmata suliffeqarfiup aktianik piginneqataassutaasa nalingi 11 procentinik qaffariaateqarput.
Allattoq Jonas Løvschall-Wedel, Simon Uldum
decembarip 09-at 2013 09:34
Aktianik piginneqataassutit qaffannerinut pissutaasoq tassaavoq GME-mit sapaatit-akunnerata siuliani oqaatigineqarmat suliffeqarfiup pingaarnertut suliassani arlallit naammassisimagai, tamannalu aningaasaliisunut neriulersitsivoq suliniut piviusunngortinneqarsinnaassasoq.
Nutaarsiassaq aktianik piginneqataassutit akitsornerannik aamma kinguneqarpoq. GM-llu aktiaataa ataaseq maanna 1 koruuni 30 ørilerlugu pisiarineqarsinnaanngorluni.
