GM arsaanneq: N-48 pissartanngorput

N-48 Ilulissaneersut angutit isikkamik arsarlutik pisaartanngorniunneranni Sisimiuni ingerlanneqartumi ukioq manna pissartanngorput.

Finalimut annguttuupput N-48 Ilulissaneersut kiisalu N-85 Narsameersut. Pissartanngorniunnermi N-48-p pissartanngornissaa naatsorsukannerneqarsimasoq Arsartartut kattuffianni siulittaaasoq Lars Lundblad radioavisimut oqarpoq.

- Nagdlúnguarmiut misilittagaqarluarnerat ajugaanerannut pissutaanerpaasutut oqaatigineqarsinnaavoq, Lars Lundblad oqarpoq. Narsarmiut N-85, siornagut semifinalinut annguttareersimasut, nunatsinni isikkamik arsarluni pissartanngorniuttarnerit aallartimmatali aatsaat taama angusarissaartigisut, ajuutinngitsoornerallu unammisaasa misilittagaqarnerunerannik pissuteqartoq, Lars Lundblad naliliivoq.

N-48, N-85-imut unamminermini 5-1-mik ajuullutik pissartanngorput. N-48 GM-meqartalermalli massakkut qulingiluassaannik pissartanngorput.