GM 2016 aallartilluartoq

Nunatsinni angutit isikkamik arsaallutik pissartanngorniutivinnerat ullumi aallartippoq, ivigaaraasanilu siullerpaamik pissartanngorniutivittoqarpoq.
Assi © : KNR
aggustip 07-at 2016 19:08

IT-79-miut TM-62 ajornaquteqanngitsumik 11-0-imik ajugaaffigaat, ukioq kingullerlu pissartaasut B-67 G-44-mut 2-0-imik ajugaallutik.

Pissartanngorniunnerit suli ingerlanneqarput. Ivigaasaaqqallu iluaqutigineqarluartut, timersornermik aallakaatitsisartoq oqarpoq.

N-48 FC Malamuk 2-0-imik ajugaaffigaat

- Ivigaasaaqqat allaanerussutaaqaat, arsarmi aqunneqarluarnerusutut oqaatigineqarsinnaavoq aamma pujoralaqarpallaannginnami, B-67 IT-79-iluunniit ukiormanna angusaqarluarnissaat ilimagigitsik Finn Nielsenip oqaatigaa.

Kagssagsuk aamma Siuteroq-43 unnugu nalunaaqutaq arfineq-marlunut unammissapput.

Pissartanngorniunnerit KNR TV-kkut malinnaavigineqarsinnaapput.