Nunatsinni pisiassat Danmarkimut sanilliullugit akisunerungaanngillat

Nunatsinni inuuniarneq Danmarkimut naleqqiullugu sooruna taama akisutigisoq? Inuppassuit ilaatigut taama aperisarput. Nioqqutissalli assigiinngitsut akiisa misissorneqarat takutippaa taama aperisoqarnissaanut ilaatigut pissutissaqanngitsoq. Kalaallit Nunaanni Naatsorsueqqissaartarfip kisitsisaataasa tamanna takutippaat.
Allattoq Mads Lynge, Niels Krogh Søndergaard
januaarip 30-at 2015 14:59

Nioqqutissat assigiitsukkuutaat katillugit aqqaneq-marluk misissorneqarsimapput, tamakkualu ataatsimut katikkaanni akii Danmarkimut naleqqiullugit 2,4 procentinik akisunerupput.

Oqarasuaatinut internetimullu attaveqarneq Danmarkimut naleqqiullugu Nunatsinni akisungaatsiarpoq, tassami ataatsimut isigalugu marloriaatingajaanik akisunerugamik. Imigassat aalakoornartut immiaaqqallu tupallu akii Nunatsinni aamma akisupput, Danmarkimut naleqqiullugu sisamariaatingajaannik akisunerummata.

Nunatsinni nioqqutissat akii ataatsimut isigigaanni Danmarkimut naleqqiullugit tassa akisunerujussuunngitsut Naatsorsueqqissaartarfiup misissuinerata takutippaa, allaammmi nioqqutissat ilaat Danmarkimut naleqqiullugit ilaatigut akikinnerupput. 

Naatsorsueqqissaartarfiup nittartagaani misissuisimaneq atuarneqarsinnaavoq

Image removed.26. januar 2015
Kalaallit Nunaanni akit qaffasinneri Danmarkimi akinit 2,4 procentinik qaffasinnerupput

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq