Ginimik nioqqutissiortut isornartorsiorneqartut

"Ungava gin" Montrealimi nioqqutissiarineqartarpoq, Ungavamili Nunavimmiittumi nioqqutigineqartutut pilerisaarutigineqarluni.
 
Ginilu illuigami imerneqartoq Ginimut ussassaarutini takutinneqarpoq, assinilu ussassaarutini ginip puiaasaa amermut meqqulimmut immunneqarsimasoq takuneqarsinnaalluni.

Assilli naggueqatigiinnit inunnit uumigineqartut tassaapput, arnat inuusuttut japanimiut naggueqatigiit inuusaartinneqarlutik parkanik quttoqqamut killittunik atortut.

Nunavimmi Makivik korporationimi præsidentip tullersortaa, Andy Moorhouse ingerlatseqatigiiffimmut Ungava Giniliortumut maalaaruteqarsimavoq, inuillu kulturiannit kinaassusaanniillu taamatut tilliinnartoqarsinnaanngitsoq tusagassiuutinut oqarpoq. Ingammik Ungava ginip naasunit Nunavimmeersunik nioqqutissiarineqarsimaneranik uppernarsaatissaqanngimmat.

Moorhousep taarsiivigitittoqarnissaa ingerlatseqatigiiffiullu naggueqatigiit inunnik sulilersitsinissaa kissaatigai.

Ussassaarutit aamma inuit internetikkut attaveqaqatigiittarfiini isornartorsiorneqarput.

.@Ungava_Gin non Inuit owned Toronto based company mocking us and profiting off of us. pic.twitter.com/XMWGVweMC4

— tanya tagaq (@tagaq) 13. september 2016

In this one @Ungava_Gin thinks we're like Santa's elves, it's fun being mythical creatures and not real human beings pic.twitter.com/yUziqj1aNH

— Ossie Michelin (@Osmich) 13. september 2016

Ungava Gin sexualizes Inuit for their latest alcohol ™. Their apology: "We are deeply sorry and we will do better." pic.twitter.com/i2M1ChTe9X

— Dusty McBeary (@DustinMcGladrey) 15. september 2016