GIF utoqqarnut timersornikkut aaqqissuussilersoq

Nunatsinni Timersoqatigiit Kattuffiat Qeersaat suleqatigalugit sapaatit-akunnerata tulliani utoqqarnik timersortitsilerpata illugiinnik ajaappisserluni pisuttuartoqassaaq, naluttoqarluni eqaarsaartoqarlunilu.
Allattoq Martine Lind Krebs, Simon Uldum
juunip 19-at 2014 10:35

Utoqqaat aaqqissuussinermut Inussivimmi, Illorsuaq timersortarfimmi, Malimmi Nuullu aqquserngini piffissami juunip 24-anit 30-anut peqataasussat 143-ssangatinneqarput.

Nunatsinni Timersoqatigiit Kattuffiata ukiunik 15-inngortorsiorneranut atatillugu utoqqarnik timersoqatigiissitsisoqassaaq, aammali utoqqaat timersoqatigiittarnerinut amerlanerusut peqataasalernissaat ilitseruisartullu peqatigiiffiillu taperserneqarnissaat siunertaavoq. 

Timersoqatigiissitsinermi ilitsersuisussat tassaapput Makka Johansen aamma Steffen Silassen, Nunatsinni Timersoqatigiit Kattuffianni timersornermut siunnersortaasoq. 

- Utoqqalisimagaanni imaanngilaq nutaanik ilinniarsinnaajunnaarlunilu allat peqatigalugit timersortoqarsinnaajunnaartartoq. Peqatigiinnermi naapeqatigiittarnerilllu inuunermut nuannaarnermik nukimmillu tunniussaqartarput, Nunatsinni Timersoqatigiit Kattuffiat tusagassiorfinnut nalunaaruteqarluni taama allappoq.

Nunatsinni Timersoqatigiit Kattuffiata aamma inuit eqeersimaarnerusumik - aamma utoqqalereeraluarutik - inuuneqarnerisigit peqqinnissaqarfik aningaasarpassuarnik sipaaruteqarsinnaanera tikkuarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq