Gert Mulvad: Politikerit aaqqittarialinnik nassueruteqartariaqarput

- Naammaginartumik atugarissaaginnassagutta, politikerit aaqqittarialinnik nassueruteqartariaqarput.

Nuummi nakorsaq Gert Mulvad taama oqarpoq. Taanna isumaqarpoq, pisortat aaqqissuussaanerat pisariaqartumik allanngortinneqartariaqartoq, Namminersornerullutik Oqartussani nassuerutigineqaleriartortoq:

- Ineriartorneq annerusoq pisariaqarpoq. Allatullu ajornaqaaq, ineriartorneq arlaannik pilliuteqarnermik kinguneqartariaqassaaq, Gert Mulvad oqarpoq nangillunilu.

Soorunami oqallisigisariaqarparput, periaatsit innuttasunut naleqqunnerulersillugit allanngortinniarutsigit, taava aningaasat suminngaanniit pissavavut. Allannguinerimmi namminneq takkunnavianngillat.

Tamatta akisussaaffimmik tigusilerittariataarunnanngilagut, ajornartorsiutit misissornissaat, ajornartorsiutillu passunnissaannut periaasissanik aaqqiinissaq pisariaqarpoq.

Tamannalu naleqarpoq, aningaasallu nassaarisariaqarpagut, ilaat katsorsaanermiit ilaallu allaninngaanniit. Kisianni aningaasassaqartinneqartariaqarput, soorluttaaq perorsaasunut ilinniartitsisunullu aningaasaliisariaqartugut.

Suliassaq oqimaappoq, kisianni ukiuni 20-ni kingullerni ilungersorsimanermiit suli ilungersorluta sulisariaqassaagut, nakorsaq Gert Mulvad oqarpoq.

Atugarissaarneq annerusumik tusagaqarfigerusukkaanni KNR naggat gl titarneq uingasoq itisiliineq alakkarneqarsinnaavoq.