Georgiamiut inuinnarnik toqoraasimaneragaapput
Osetiami Kujallermi aggustip qaammataani Georgiamiut saassussinerisa kingorna BBC-mi tusagassiortut siullersaallutik Osetiamut Kujallermut isersinnaatitaasimasut oqaluttuaraat Georgiarmiut saassussigamik inuinnaat najugaqarfii qanimut qamutilittartarsimagaat, allaat inuinnaat naqqup iluinut qimarngusut qamutilittartarsimagaattaaq. Sakkutuujunngitsut amerlaqisut biiliminnik qimaaniartut toqoragaasimapput. Inuit pisinnaatitaaffiisa malinneqarnissaannik nakkutiginnittut Human Rights Watch uppernarsaavoq sakkutuut Georgiamiut sorsunnermi pinerluuteqarsimasut. Tuluit nunanut allanut ministeriata Georgiap qanittukkut illersoqatigiiffimmut NATO-mut ilanngussinnaanissaa apeqquserpaa.
Georgiap NATO-mut ilaasortanngunnginnerani sorsunnermi pinerluuteqartoqarsimaneranik Osetiamiullu peqqusaarsimanerinik oqatsiaatit paasiniaasunit kikkunnulluunniit attaveqanngitsunit misissorteqqaarniarneqarput.