Georgiami præsidenti qinersinermi ajugaaqqippoq
Georgiami maanna præsidenti, Mikhail Saakasjvili, kunngiitsuuffiusimasumi præsidentimut ippassaq qinersinermi 52,8 procentinit taaguunneqarluni ajugaasoq, nutaarsiassaqartitsivimmi Ritzauimi allaaserineqarpoq.
januaarip 06-at 2008 17:07
Georgiami qinersivinni tamani kisitsisoqareersorlu inerneq takuneqarsinnaalersimavoq, nunani allani qinersiviit arlaqanngitsunnguit taamaallaat kisitsivigineqanngillat, ilimagineqanngilarli qinersinerup inerneranut tamanna allannguissasoq.
Ippassaq qinersisoqareersorlu kisitsisoqarmat, illuatungiliuttut aalajangiusimavaat Saakasjvilip ajugaanerarneqarnerani peqquserluttoqarsimasoq, naalakkersuisunullu illuatungiliuttunut illersuisut 10.000-t missaanniitut akerliussutsimik Georgiap illoqarfiisa pingaarnersaanni Tblisimi ullumi takutitsipput, erseqqissarniarlugu qinersinermi peqquserluttoqarsimasoq. Qinersinermili nakkutilliisut sumullulluunniit attaveqanngitsut peqquserluttoqarsimaneranik oqalunneq ilumuunnginnerarpaat.
