Georgia pillugu FN-imi taasisoqarnissaa USA-p piumasaraa
Georgia pillugu Naalagaaffiit Peqatigiit Isumannaallisaaniaqatigiivini taasisoqarnissaa USA-p siunnersuutiginiarpaa, Georgiami akersuunnerit unitsinniarlugit USA aalajangersakkamik taamattumik siunnersuuteqarniarpoq.
Allattoq Mads Lynge
Pissutsit Georgiami sakkortusiartuinnassappata Ruslandip USA-llu akornanni allanngoratarsinnaasut, USA-p ullup ingerlanerani mianersoqqussutigaa.
Frankrig qaammatini makkunani EU-mi siulittaasuutitaqarpoq, nunanullu allanut ministeri Bernard Kouchnerip Georgialiartinneqarnissaa pilersaarutaavoq.
- Europap iluani taamatut akersuunnerit akuersaarnanngilluinnartut isiginngitsuusaaginnarsinnaanngilagut. Balkanimi pisimasut eqqaaginnarsinnaavakka, Bernard Kouchner oqarpoq.
Frankrig, Rusland aamma USA Naalagaaffiit Peqatigiit Isumannaallisaaniaqatigiivini ataavartumik ilaasortaapput.