Georgia akiuukkunnaarallarnissamut atsiorpoq
Taama aaqqiagiinngittoqalerneq Georgiap præsidentianiit tallimanngormat aallartinneqarpoq.
USA Tuluillu Nunaat inerterigaluaqisut Ruslandimiut sakkutoorpassuit sorsunnermilu atortorpassuit nassarlugit ullaaq manna Ossitiap kujataanukaassortinneqarput.
Georgiamiulli akiuukkunnaarallarniarnerat russinit soqutigineqanngilaq – russit naalakkersuisuisa oqaaseqartartuata oqarnera naapertorlugu Georgiamiut akiuutiinnassasut oqaatigineqarpoq, akiuukkunnaarallarnermillu oqaluttoqannginnerarpaat.
- Ossitiap kujataani eqqissisimanissamik nakkutiginnittut oqarnerat naapertorlugu Georgiamiut suli sakkutuulersorniarpalupput, taamaattumik akiuukkunnaarallarnissamik oqalunneq upperinngilarput, russit oqaaseqartartuat taama issuarneqarpoq.
EU-miit isumaqatigiissitsiniariartortitat maanna Moskvaliarlutik aallarput, taakku russinut eqqissisaajartortinneqarput Georgiap akiuukkunnaarallarumalluni nalunaaruteqarneranut akuersaaqqusiartorlutik.
