George W. Bush: Aap, isertortunik parnaarussiveqarsimavugut
USA-mi isertorlutik paasiniaasartoqatigiit, CIA, nunani allani peqqarniisaarniartartunut atortakkaminnik isertortunik parnaarussiveqarsimasut, USA-mi præsidentip, George W. Buship, ippassaq ualilluinnartoq nassuerutigaa.
Bush aamma oqarpoq, tigummigallagaasut 14-t CIA-p isertortumik nunani allani parnaarussiviinit illersornissamut ministeqarfiup aqutaanut, parnaarussivimmut Guantanamomut, ingerlanneqareersimasut.
Parnaarussiviit isertuussat illersorlugit Bush oqarpoq, peqqarniisaarniarlutik pasisat apersorneqarnissaat pisariaqarsimasoq – apersuinermilu inuppalaartumik apersuisoqarsimanerarpaa, apersorneqartullu naalliutsineqarsimannginnerarlugit.
Peqqarniisaarniarlutik pasineqartut 14-t maanna Guantanamomiittut, Genevemi isumaqatigiissut naapertorlugu eqqartuussivimmut sassartinneqassapput, USA-mi præsidenti oqarpoq.