George Papandreou ajugaarujussuarpoq
Grækenlandimi illuatungiliuttut socialdemokratit siulittaasuat George Papandreou, Grækenlandimi inatsisartunut qinersinermi ajugaarujussuarpoq.
Allattoq Bikki P. Kleist
Papandreou-p partiia Pasok, taasinerit 45 procentiinik pissarsivoq, maanna naalakkersuisuutitaqartut partiiat Ny Demokrati taasinerit 34 procentiinik pissarsisoq.
Taamaasilluni parlamentimi issiaviit 300-t ilaat 160-it Pasokimit, 93-illu Ny Demokratimit issiavigineqalissapput.
Konservativit partiiata siulittaasuata aamma ministeriunerusup Costas Karamanlisip ajorsarnertik nassuerutigaa. Partiimmi angusaa ukiuni 30-ni kingullerni aatsaat taama ajortigaaq.