Georg Olsen Nipilersortartumut nersornaasiuttakkamut innersuunneqartoq

Georg Olsen, nipilersoqatigiit Liima Inui peqatigalugit sisamassaa saqqummersitsivoq, nipilersukkallu nipilersoriaaseq heavy metaluvoq elektroniskiusumik akusarlugu.

Nuuteeraq "Inri" nunaqarfimmi Kangersuatsiami aalisartut piniartullu heavy metalimik nipilersortut peqatigalugit immiunneqarpoq. Nunat Avannarliit Siunnersuisoqatigiit nittartakkaminni norden.org-imi taama allaaserisaqarput.

Georg Olsen erinniullaqqissutut taalliullaqqissutullu tassani allaaserineqarpoq.

Georg Olsen Koda Grønlandip ukiumoortumik nersornaasiuttagaanik siorna tunineqarpoq, nuusiani "Inri" nersorneqaatigalugu.

Nunat Avannarliit Siunnersuisoqatigiivisa nipilersornermi nersornaasiuttagaanut innersuunneqartut katillutik 13-iupput, nersornaallu 300.000 koruuninik aningaasartaqarpoq.

Nersornaaserneqartussaq Nunat Avannarliit Siunnersuisoqatigiivisa Oslomi ukioq manna oktobarip ulluisa 30-anni ataatsimeersuarnissaani saqqummiunneqassaaq.