Geert Wildersip filmiliani internetikkut saqqummiuppaa
Hollandimiup politikerip Geert Wildersip filmiliani upperisamut islamimut isornartorsiuisoq taaguutilik ”Fitna” ippassaq internetikkut saqqummiuppaa, naak avammut saqqummiuteqqunagu Hollandimiut naalakkersuisuinit inerterneqaraluarluni aamma upperisarsiortunit musliminit akerliuffigineqaraluartoq.
Allattoq Louise M. Kleemann
marsip 28-at 2008 07:06
Filmi naatsuliaq oqallisaaqisoq nittartakkamut uunga ikineqarpoq: www.liveleak.com.
Wilders isumaqarpoq, filmi ”Fitna” nunanut killermiunut mianersoqqussutaasoq kingulleq aamma Hollandimi musliminngortitsiniarnersuarmut taasaminut mianersoqqussutaasoq, tassami muslimit Hiollandimiittut 1 miliuuninik amerlassuseqarmata.
Assilisat 2001-imi New Yorkimi peqqarniisaarniat saassussineranneersut aamma peqqarniisaarniat sallunaveeqqutitut tigusaminnik niaquisut filmimi takutinneqarput.
Danmarkimi muslimit siunnersuisoqatigiiffiannit Muslimernes Fællesrådimit oqaaseqartitaq, Zubair Butt Hussein oqarpoq, filmi ima ajorsitsaaritiginanilu Guutimik mitaatiginnitsiginngimmat musliminit annerusumik qisuariarfigineqarnissaa ilimaginagu.
