GBU: N-85 angalanissamut periarfissaqanngilaq
Kalaallit Nunaanni arsaattartut peqatigiiffiata Narsami arsaattartut angutit inuusunnerit Maniitsumi pissartanngorniuteqataasussat Maniitsuliarnissannik ikiorsinnaanagit ullumi nalunaarfigaat.
N-85-imi sungiusaasoq Vittus Poulsen assut ajuallaqqasoq kamaqqaqisorlu ualimut oqaloqatigigatsinni oqarpoq, N-85-mi arsartartuutitik angalasussaagaluit, angajoqqaavi sungiusaasullu unnugu naapeqatigiissasut, qanoq iliuuseqarnissaq eqqartoqatigiissutigineqassammat.
Maniitsumi angutit U-18-imik taasat unammersuarnissaat ataasinngorpat juulip ulluisa qulinganni aallartittussaavoq.
Peqataasussaapput Kâgssagssuk Maniitsumeersoq, Nagdlúnguaq Ilulissaneersoq, A-97 Aasianneersoq, GSS B-67-ilu Nuummeersut aamma N-85 Narsameersoq.
Nunatta qeqqaneersut aqqutissatik qulakkeereerpaat, kisianni Narsameersut, Ilulissaneersut Aasianneersullu umiarsuakkut timmisartukkulluunniit angallanneqarnissaminnut inissaqartinneqanngitsut ullumi paasinarsivoq.