Gazprom nammineerusuppoq
Naak uuliasioqatigiiffiissuit USA-meersut Europameersullu arlallit Barentip imartaani naturgassimik piialernissamut piareersimagaluartut, Ruslandip uuliasioqatigiiffissua Gazprom Barentip imartaaneersumik naturgassimik nammineq piaasunngorniarpoq.
Barentip imartaani Shtokman-imik taaneqartartumi naturgassi 3,2 trillioni kubikmeterisut annertutigisut piiarneqarsinnaanissaat ilimagineqarpoq.
- Uuliasioqatigiiffiit nunanit allaneersut ikiortiginagit Barentip imartaani naturgassimik nammineq piiaajumavugut, Gazpromip pisortaa Alexei Miller Ruslandimi tv-qarfiit ilaannut ippassaq oqarpoq.
Naturgassip Europami tuniniarneqarnissaa pilersaarutaasoq, Alexei Millerip oqaatigaa, naak USA-mi uuliasioqatigiiffiit Chevron aamma ConocoPhillips USA-mi tuniniaanissaminnut piareeqqasimaneraraluartut.
Ruslandimiut pilersaarutaat Norgemiunit aamma pakatsissutigineqarput.
Issittup kangisissortaani nukissiuutit pillugit suleqatigiittoqarnerulernissaa Norgep takorloorsimagaluarpaa.