Gazprom Hollandimut gassimik pilersuiunnaartoq

Hollandimiut nukissiorfiat russit aningaasaannik Rublinik akiliiumanngimmat, Rusland Hollandimut gassimik pilersuiunnaarpoq.
Ruslandip Finlandimut, Polenimut Bulgariamullu gassimik pilersuinini siusinnerusukkut aamma unitsippaa, nunat taakku Rublinik aamma akiliiumanngimmata. Assi © : Kacper Pempel/Reuters/Ritzau Scanpix
Allattoq Ritzau
maajip 31-at 2022 09:32
Nutserisoq Mads Lynge

Russit gassimik pilersuisartuata Gazpromip Hollandimi suliffeqarfimmut GasTerramut gassimik pilersuinini unitsissimavaa. Nutaarsiassaqartitsivik Reuters taama allappoq.

GasTerra gassimik pisinermi russit aningaasaannik Rublinik akiliiumanngimmat, Gazpromip gassimik pilersuinini unitsippaa.

Ruslandip Finlandimut, Polenimut Bulgariamullu gassimik pilersuinini siusinnerusukkut aamma unitsippaa, nunat taakku Rublinik aamma akiliiumanngimmata.

AAMMA ATUARUK EU-p uuliamik suli akuiagaanngitsumik Ruslandimit eqqussuinini unitsinniaraa

Russit aningaasaannik Rublinik akiliisoqartalernissaanut piumasaqaat, Ruslandip præsidentiata Vladimir Putinip marsimi nalunaarutigaa. Naalagaaffinnut ilasseraanngitsunut tamanna atuutissasoq, taanna taamanikkut oqarpoq.

Rusland Ukrainemut saassussilersorlu nunat EU-miittut Ruslandimut pillaatitut iliuutsinik sukannersunik atuutilersitsimmata, Rublinik akiliisoqartalernissaa Ruslandip piumasarilerpaa.

Gassip Hollandimut eqqussorneqartup 15 procentiata missaa Ruslandimeersuuvoq. Gassip EU-mi nunanut eqqussorneqartup 40 procentiata missaa Ruslandimeersuuvoq.

Aamma atuaruk