Gazap aqquserngi Israelip ammarnaveersaartuarsinnarpai
Israelimiut ministeriunerata Ehud Olmertip, Nunanut Allanut ministeriata Tzipi Livnip, Illersornissamullu ministeriata Ehud Barakip Naalagaaffiit Peqatigiit peqqussutaat ullumi oqaloqatigiissutigaat.
Israelimiut ministerii ataatsimiilinngitsiartut Nunanut Allanut ministeri oqarpoq qanorluunniit pisoqaraluarpat Israelip soqutigisai illersorneqartariaqartut. Ministeriunerullu sinniisua oqarpoq Hamasip illersortissarsiornermini Nunarsuarmioqatigiit sunnerniarsarigai. Naalagaafiit Peqatigiit sakkuaakkunnaaqqusinerat ataatsimut isigalugu Hamasimeersunit akuersaarneqanngilaq, Israelimiut Gazamut aqqusinernik assersuinerisa unitsinneqarnissaat peqqussummi taaneqarsimannginnera tamatumunnga pissutigineqarluni.
Israelimiut naalakersuisuisa torersumik oqallinnikkut ajornartorsiutit qaangerniassanerlugit, imaluunniit maanna Gazamik ungusisimanertik iluatsillugu saassusseqattaaginnaassanerlutik nalornissutigaat. Pissutsillu najummassimanarluinnarput.
Gazami angalaniarneq ulorianarpallaaqimmat ikiuiniarnerit tamarmik unitsinneqarallarput.