Gazamiut unnuaq saassunneqarlutik qimmarratsitaapput
Israelimiut sakkutuui Gazap illoqarfianut unnuaq isaapput, inuttaasullu tuusintinik arlalinnik amerlassuseqartut angerlarsimaffimminnit qimarrapput, amerikamiut nutaarsiassaqartitsiviat AP tusarliivoq.
Allattoq Lotte Holm
januaarip 15-at 2009 07:10
Qulimiguullit sorsuutitut atorneqartartut ikiortigalugit Israelimiut sakkutuui Gazap illoqarfianut isaapput, tusagassiorfiullu APip tusagassiaa aallaavigalugu pilersaarutaasumit siusinnerusukkut sakkutuut illoqarfimmut isaapput.
Gazami innuttaasut ilaat sinngusaannaallutik ilaasalu utoqqartartik qamutinik kaassuartakkanik kaamisarlugit qimarrapput. Innutaasut ilaat qimaaniarlutik biilinik unititsiniaapput.
Israelimiut sakkutuui unnuaq naallugu ullaarlu Gazami saassussipput, saassussinermilu Palæstiinamiut arfineq marluk toqutaapput.
Sakkuaakkunnaartoqarnissaa anguniarlugu Igitsinnni suliniuteqarpoq, ilaatigut ullut qulit sorsuttoqarunnaarnissaa siunnersuutigineqarluni.
