Gazami ullumi sapaammi sakkuaakkunnaassapput

Palæstinamiut 31-t ulluni marlunni Gazami akersuuttoqarnerani toqutaapput. Raketsillu qaartartut 500-t Israelimut igeriunneqarput.
Gazami siorna ulluni 11-ni sorsuuttoqarmalli aatsaat taamak sakkortutigisumik sorsuttoqaqqippoq. Assi © : Israel Defense Forces/Flickr Creative Commons
Allattoq Ritzau
aggustip 07-at 2022 15:11

Gazami ullut kingulliit marluk eqqissiviilliortoqarnerata kingunerisaanik palæstinamiut 31-t toqutaapput, qaartartummi igeriuttakkat 500-t Israelip tungaanut igeriunneqarsimapput.

Gazastribenimi ullumi sapaammi unnugu arfineq-pingasunut sakkuaakkunnaartoqassasoq oqaatigineqarpoq tassalu nunatta nalunaaqutaa naapertorlugu ualimut pingasut missaanni)

Palæstinamiut atorfilittaat nutaarsiassaqartitsivimmut Reutersimut taama oqarsimavoq.

Ullumilu sapaammi Israel ullut pingajussaannik Gazastribenimut Islamimiunut Jihadsinut qaartartunik igeriussivoq, aammalu illuatungerisaat Palæstinamiut Israelimut qaartartunik raketsinik igeriussisaqattaarlutik.

Illuatungeriit taakku sorsuunnerisa kingunerisaannik maannamut palæstinamiut 31-t inuunerannik akeqarpoq, 275-llu ikiligaallutik, taama palæstinami peqqinnissamut qullersaqarfik avammut nalunaarpoq.

Gazastribenimi illorpassuit sequmipput sumilu tamaani qammakorpassuit takussaalerlutik. Israelimili inuit marluk ikilersimasut napparsimavimmut unitsinneqartut oqaatigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq