Gazami sakkuaakkunnaalerunarput
Israelimi isumannaallisaanermut ataatsimiititaliaq ullumi ataatsimiileruni Gazami sakkuaakkunnaarnissamik isumaqatigiissuteqarsimassasoq ilimanarsivoq, naak islamimik upperisallit Palæstinamiut sakkulersorlutik akiuuttut suleqatigiiffiat Hamas Israelimut qaartartumeeriunnaarniarluni neriorsuinngikkaluartoq.
Allattoq Najaaraq Egede
Israelimiut illersornissamut ministeriat Ehud Barak ullumi oqarpoq, Gazamik decembarip ulluisa 27-anni saassussisaqattaarlutik aallartinnermikkut anguniagartik maanna angulivikkitsik.
- Sakkuaakkunnaarnissamik isumaqatigiissuteqartoqaraluarpalluunniit Israeli sakkutuuminik Palæstinamit qanittukkut aniatitsinissani ilimageqqunngilaa, tassami Naalagaaffiit Peqatigiit meeqqanut atuarfiutaat Gazamiittoq israelimiut eqqormassulli nukappiaqqat marluk toqutaanerat eqqissiviilliuutaajuarpoq, FN-imi atorfilik oqarpoq.